Zelenskyy: Ukraina ka trefishuar prodhimin e saj të armëve në vitin e fundit

Presidenti i Ukrainës, Volodymyr Zelenskyy, ka deklaruar se prodhimi i armëve në Ukrainë është trefishuar në vitin e fundit, transmeton Anadolu.

Në një deklaratë nga llogaria e tij në median sociale, Zelenskyy deklaroi se "Duhet të jemi të fortë. Kemi trefishuar prodhimin e armëve në vitin e fundit. Rusia duhet të kuptojë se përgjigja për çdo sulm të saj nuk do të vonohet. Na duhet fitore. Ukraina duhet të jetë më e fortë".

Duke informuar se në sektorin e mbrojtjes së Ukrainës aktualisht janë punësuar 300 mijë persona, Zelenskyy tërhoqi vëmendjen se 4 nga 5 kompani të mbrojtjes janë private.

Ndër të tjera, Zelenskyy theksoi se bëhet fjalë për prodhim të përbashkët edhe me prodhuesit e huaj më të mëdhenj të armëve në botë.