Vritet një ushtar izraelit në kufi me Libanin

Ushtria izraelite njoftoi se një nga ushtarët e saj është vrarë në kufi me Libanin, transmeton Anadolu.

Në deklaratën me shkrim të ushtrisë izraelite thuhet se ka humbur jetën rreshteri Haim Sabach (20), i cili ka shërbyer në operacionin në veri të vendit.

Në deklaratë nuk jepen detaje për vrasjen e ushtarit.

Në lajmin e "The Times of Israel" dje thuhej se numri total i ushtarëve izraelitë të vrarë që nga 8 tetori 2023, në sulmet e Hezbollahut me armë të ndryshme nga jugu i Libanit në rajonet veriore të Izraelit, është rritur në 13.

Në përleshjet e vazhdueshme midis ushtrisë izraelite dhe Hezbollahut që nga 8 tetori 2023, humbën jetën 288 anëtarë të Hezbollahut, 60 civilë libanezë, 18 nga Lëvizja Amal, 13 nga Hamasi dhe 12 anëtarë të Xhihadit Islamik.