Zeynep Tüfekçi
22 Dhjetor 2017•Përditësim: 22 Dhjetor 2017
RAMALLAH (AA) – Tre palestinezë janë plagosur si pasojë e një bastisjeje të kryer nga ushtria e Izraelit në një qytezë të qytetit Nabluk, në Bregun Perëndimor, raporton Anadolu Agency (AA).
Sipas informacioneve të marra nga dëshmitarët e rastit, pas bastisjes në qytezën Bejt Furik, në lindje të qytetit Nablus nga ushtarët izraelitë, kanë nisur përleshjet mes tyre dhe palestinezëve.
Tre persona janë plagosur si pasojë e plumbave të gomës të përdorur ushtarët izraelitë ndërsa dhjetëra persona i janë nënshtruar gazit lotsjellës dhe kanë qenë në rrezik nga asfiksimi.
Të plagosurit u trajtuan në vendngjarje. Nuk ka informacione lidhur me arsyen e bastisjes.
Më 6 dhjetor, presidenti i Shteteve të Bashkuara të Amerikës (SHBA) Donald Trump mori vendim që të njohë Kudsin si kryeqytet të Izraelit, duke paralajmëruar edhe zhvendosjen e ambasadës amerikane nga Tel Avivi në Kuds.
Pas këtij vendimi, ka patur pakënaqësi dhe protesta në shumë vende, ku u plagosën qindra palestinezë.
