Ushtria e Maltës liroi tankerin e rrëmbyer nga piratët

Forcat e armatosura të Maltës kanë marrë kontrollin mbi tankerin e mallrave "Elhiblu 1", të cilin dje piratët e rrëmbyen në Detin Mesdhe, raporton Anadolu Agency (AA).

Piratët me motoskaf dje në ujërat libiane të Detit Mesdhe rrëmbyen tankerin 52 metërsh dhe kapën të gjithë 6 anëtarët e ekuipazhit.

Në njoftimin e ushtrisë së Maltës thuhet se me sukses është kryer operacioni i lirimit të tankerit i cili lundronte nën flamurin e Palua-s.

Tankeri më 22 mars lundroi nga Turqia ndërsa ekuipazhin e përbënin kapiteni nga Turqia dhe 4 marinarë nga India dhe një shtetas nga Libia.