Hamdi Yıldız
05 Janar 2023•Përditësim: 05 Janar 2023
Ushtarët izraelitë kanë vrarë një fëmijë 16-vjeçar palestinez në qytetin Nablus të Bregut Perëndimor të pushtuar, transmeton Anadolu Agency (AA).
Sipas lajmit të kanalit zyrtar televiziv palestinez, 16-vjeçari Amir Abu Zaytoun ka humbur jetën, pasi është qëlluar mbrëmë në kokë nga forcat izraelite gjatë bastisjes së tyre në kampin Balata në qytetin palestinez.
Ndërkohë, u plagosën edhe dy palestinezë në përleshjet e armatosura të ndodhur mes forcave izraelite që e rrethuan një shtëpi dhe palestinezëve që përpiqeshin të parandalojnë këtë.
Gjatë bastisjes ushtria izraelite ka përdorur plumba të vërtetë dhe plastike si dhe gaz lotsjellës dhe bomba zhurmuese.
Ushtria izraelite nuk ka bërë ndonjë deklaratë lidhur me zhvillimet.
Që nga fillimi i këtij viti kanë humbur jetën 4 të rinj palestinezë prej të cilëve 3 fëmijë, gjatë bastisjeve të ushtarëve izraelitë në rajone të ndryshme të Bregut Perëndimor.
