Trikoja e famshme e Kurt Cobain shitet në ankand për 334 mijë dollarë

Trikoja e famshme e leshit me ngjyrë ulliri të cilën e mbante këngëtari i rok grupit amerikan Nirvana, Kurt Cobain, në interpertimin e tij në MTV në vitin 1993, u shit në një ankand për 334 mijë dollarë, transmeton Anadolu Agency (AA).

Trikoja me një vrimë nga cigarja, për herë të fundit ishte larë rreth tre dekada më parë, ndërsa u shit të shtunën në një ankand në New York.

Rroba e ruajtur u bë trikoja më e shtrenjtë e shitur ndonjëherë në ankand, shkroi BBC.

Darren Julien, kryetar i shtëpisë së ankadeve "Julien's", trikonë e Cobain e quajti si "grali i shenjtë i një artikulli rrobash që ai ka veshur ndonjëherë".

Në ankand ishte dhe kitara e Fender Mustang për mëngjarashë, me të cilën lujati këngëtari i Nirvanas gjatë turneut "In Utero", e cila u shit për 340 mijë dollarë.

Cobain themeloi grupin Nirvana në vitin 1987 dhe shumë shpejtë arriti famë botërore. Vitet e fundit të jetës së tij luftoi nga varshmëria e heroinës, depresionit, famës, si dhe nga presioni i medias, kurse në vitin 1994 kreu vetëvrasje në moshën 27-vjeçare.