Sudani do të rihapë aeroportin e kryeqytetit

Autoriteti i aviacionit civil të Sudanit do të rihapë për fluturime Aeroportin Ndërkombëtar të Khartoum-it pas një pezullimi njëditor, transmeton Anadolu Agency (AA).

"Fluturimet do të rifillojnë më vonë të mërkurën pas një pezullimi të përkohshëm", tha autoriteti në një deklaratë të cituar nga faqja e internetit Asharq Business.

Autoriteti mbrëmë njoftoi pezullimin e fluturimeve nga aeroporti deri më 30 tetor.

Të hënën, ushtria e Sudanit shpalli gjendjen e jashtëzakonshme, shpërndau Këshillin Sovran të përkohshëm dhe qeverinë, disa orë pasi arrestoi kryeministrin e vendit, Abdalla Hamdok dhe ministrat në qeverinë e tij civile.

Pas një grushti të dështuar ushtarak muajin e kaluar, shpërthyen tensionet e thella midis ushtrisë dhe administratës civile.

Përpara se ushtria të merr pushtetin, Sudani administrohej nga Këshilli Sovran i përbërë nga autoritetet ushtarake dhe civile, i cili po mbikëqyrte periudhën e tranzicionit deri në zgjedhjet e planifikuara për vitin 2023, si pjesë e një pakti për ndarjen e pushtetit midis ushtrisë dhe koalicionit Forcat për Liri dhe Ndryshim.