Stuhia e dëborës bllokon Poloninë

VARSHAVË (AA) – Në Poloni për shkak të stuhisë së dëborës janë anuluar fluturime ajrore, janë dëmtuar largpërçuesit dhe janë përmbytur shumë toka bujqësore, raporton Anadolu Agency (AA).

Në Poloni sot janë regjistruar erëra me 70 kilometra në orë. Në aeroportin në Gdansk janë riorientuar fluturimet, ndërsa shumica janë anuluar për shkak të dëborës dhe akullit që mbuloi pistën.

Afër 16.000 amvisëri në veri të Polonisë kanë mbetur pa furnizim të energjisë elektrike pasi gjatë rrëzimit të një peme u dëmtuan largpërçuesit. Rrugët hyrëse në qytetin Lodz janë mbyllur pas një sërë aksidentesh rrugore të shkaktuara nga dëbora dhe akulli.

Tre kamionë mbetën të bllokuar në rrugë në rajonin Wroclaw. Meteorologët nuk janë optimist dhe paralajmërojnë se reshjet e borës do të vazhdojnë dhe se temperaturat mund të ulen deri në minus 17 gradë Celsius. Autoritetet pohojnë se në rrezik më të madh mund të jenë të pastrehët.