Shtëpia e Bardhë: Lufta Rusi-Ukrainë duhet të përfundojë

Zëdhënësja e Shtëpisë së Bardhë, Karoline Leavitt deklaroi se presidenti Donald Trump dëshiron që Rusia dhe Ukraina të ulen në të njëjtën tryezë dhe se lufta tani duhet të përfundojë, transmeton Anadolu.

Në kopshtin e Shtëpisë së Bardhë, Leavitt iu përgjigj pyetjeve të gazetarëve në lidhje me luftën midis Rusisë dhe Ukrainës. Ajo komentoi bisedimet Rusi-Ukrainë të mbajtura në Stamboll.

"Presidenti dëshiron që të dy udhëheqësit dhe të dyja palët të ulen në tryezë dhe sot ne pamë se ata e bënë këtë me këmbënguljen e presidentit Trump. Por, mendimet e presidentit mbi këto bisedime dhe ato që janë përjetuar atje do t'ia lë atij", tha Leavitt.

Kur u pyet për reagimet e saj ndaj sulmit të Ukrainës me mjet ajror pa pilot (dronë) ndaj Rusisë, Leavitt tha "Kjo luftë tani duhet të përfundojë. Kjo luftë ka qenë brutale për të dyja palët dhe shumë njerëz kanë humbur jetën. Presidenti dëshiron që kjo luftë të përfundojë në tryezën e negociatave".