SHBA, rritet në 94 numri i viktimave nga shembja e ndërtesës në Miami

Është rritur në 94 numri i viktimave që janë gjetur në punimet e kërkim-shpëtimit në rrënojat e ndërtesës 13-katëshe e cila u shemb pjesërisht më 24 qershor në rajonin Surfside të Miamit në shtetin Florida të SHBA-së, transmeton Anadolu Agency (AA).

Kryebashkiakja e Miamit, Daniella Levine Cava në një konferencë për media tha se nga rrënojat janë nxjerrë 94 trupa dhe se nuk janë gjetur ende 22 trupa të cilët parashikohen të jenë nën rrënoja.

Ajo më tej shtoi se 83 nga 94 trupat e gjetur janë identifikuar.

Në ditën e 14-të të punimeve të kërkim-shpëtimit, zyrtarët deklaruan se punimet e tyre do të vazhdojnë në drejtim për gjetjen e trupave dhe largimin e rrënojave për arsyen se nuk ka mbetur mundësi për të gjetur njerëz të gjallë nën rrënoja.

Gjysma e godinës luksoze me 270 apartamente u shemb papritmas

Në vendbanimin Surfside me një popullsi prej rreth 5.600 banorësh në veri të Miami Beach më 24 qershor u shemb papritmas gjysma e godinës luksoze 13-katëshe "Champlain Towers" me 270 apartamente.

Zyrtarët e Surfsides në shkresat e kryera me administratorët e ndërtesës në vitin 2018, tërhoqën vëmendjen se në ndërtesën e ndërtuar në vitin 1981 ka një dëm të madh strukturor dhe se ka nevojë për riparime në vlerën prej rreth 9 milionë dollarë për kolonat e krisura dhe betonin i cili ka filluar të shkërmoqet.

Pjesa e mbetur e ndërtesës së mbetur u shemb në mënyrë të kontrolluar më 4 korrik në orën 22:30 sipas kohës lokale me arsyen se pjesa në fjalë nuk ishte e sigurt.