SHBA, 8 të vdekur në një sulm të armatosur në Kaliforni

Një sulm i armatosur në qytetin San Jose të Kalifornisë në SHBA ka rezultuar në tetë viktima dhe një numër të madh të plagosurish, transmeton Anadolu Agency (AA).

Zëdhënësi i Zyrës së Sherifit të Qarkut Santa Clara, Russell Davis, u tha gazetarëve se “ka të plagosur të shumtë dhe shumë viktima në këtë rast”, dhe se hetimi po vazhdon.

Davis konfirmoi se i dyshuari është vrarë gjatë reagimit të policisë.

Në një deklaratë për shtyp më vonë, zyrtarët e policisë në San Jose deklaruan se tetë persona humbën jetën në sulmin e armatosur që ndodhi në mëngjes.

Autoritetet, të cilët nuk zbuluan emrin e sulmuesit që u vra gjatë incidentit, deklaruan se të plagosurit po trajtohen në spitalet në afërsi.