Rrëzohet një helikopter në Izrael

Një helikopter është rrëzuar afër brigjeve të qytetit Haifa në veri të Izraelit, njoftuan mediat lokale, transmeton Anadolu Agency (AA).

Sipas transmetuesit publik KAN, ekipet e shpëtimit kanë mbërritur në zonë pas rrëzimit të helikopterit në ujërat e Haifas të hënën në mbrëmje.

Gazeta Yediot Aharonot gjithashtu deklaroi se helikopteri u rrëzua në ujërat pranë Qendrës së Kërkimeve Detare në Haifa.

Siç njoftohet, dy pilotë kanë humbur jetën si rezultat i aksidentit.

Mediat po ashtu thanë se bëhet fjalë për një helikopter ushtarak dhe se dy pilotë të Forcave të Mbrojtjes Izraelite (IDF) dhe një oficer patrullimi ishin në bordin e helikopterit.