Përfshihet nga zjarri ndërtesa historike e bursës në Danimarkë
Raportohet se ka shpërthyer një zjarr në godinën historike të bursës pranë Pallatit Christiansborg, që përfshin edhe ndërtesën e parlamentit në Kopenhagë, për një arsye ende të panjohura
Ankara
Një zjarr shpërtheu në ndërtesën e ish-bursës së shekullit të 17-të "Borsen" në Kopenhagë, kryeqyteti i Danimarkës, transmeton Anadolu.
Sipas lajmeve në mediat kombëtare, ka shpërthyer një zjarr në godinën historike të bursës pranë Pallatit Christiansborg, që përfshin edhe ndërtesën e parlamentit në Kopenhagë, për një arsye ende të panjohura.
Nga zjarri, u shemb maja e kullës së ndërtesës rreth 56 metra e lartë, e ndërtuar në shekullin e 17-të.
Ekipet e policisë mbyllën rrugën ku ndodhet godina, e cila nuk është e hapur për publikun, por ku organizohen herë pas here evente si darka dhe konferenca. Policia gjithashtu mori masa sigurie në zonën përreth.
Ekipet e zjarrfikësve ndërhynë në zjarr, ndërsa ekipet evakuuan ndërtesat përreth përfshirë ndërtesën e parlamentit.
Nuk ka viktima ose të plagosur nga zjarri.