Policia izraelite arreston një shtetas turk

KUDS (AA) - Policia izraelite ka arrestuar shtetasin turk Osman Hazır, i cili gjendej për vizitë në Kompleksin Al-Aksa në Kuds, transmeton Anadolu Agency (AA).

Murat Kundak, guidë turistike, për AA tha se shtetasi turk Hazır, 46-vjeçar, është arrestuar për shkak se është fotografuar me flamurin turk pas namazit të jacisë në Al-Aksa.

Kundak njoftoi se policia izraelite ka dërguar shtetasin turk në Qendrën Policore David pranë Portës El-Halil (Jafa) të Qytetit të Vjetër, duke e mbajtur atë për rreth pesë orë.

Ndërkohë, policia izraelite nuk ka dhënë asnjë deklaratë në lidhje me çështjen.

Zhvillimin janë duke e ndjekur edhe Ambasada e Turqisë në Tel Aviv dhe Kryekonsullata e saj në Kuds.