Policia italiane përdor forcën në protestat pro-palestineze

Policia në dy qytete qendrore të Italisë përdori forcën kundër protestuesve, kryesisht studentë, të cilët bënin thirrje për një armëpushim të menjëhershëm në Rripin e Gazës, transmeton Anadolu.

Policia italiane përdori forcën për të shpërndarë protestuesit që po udhëtonin për në vendet qendrore në qytetet Pisa dhe Florence.

Protestuesit në Florence, kryeqyteti i rajonit të Toskanës, donin të organizonin një protestë përpara konsullatës amerikane, por policia i ndaloi në një shesh qendror në qytetin e Kullës së Anuar, duke rezultuar në përleshje dhe plagosje.

Pamjet e transmetuara nga mediat italiane treguan se policia filloi të godiste të rinjtë me shkopinj, ndërsa ata përpiqeshin të tejkalonin bllokimin dhe të vazhdonin në destinacionet e synuara.

Në një video të publikuar nga agjencia italiane e lajmeve ANSA, një student pretendon se disa protestues janë plagosur në kokë.

Mësuesit u zemëruan nga përleshjet, të cilat ndodhën pranë një ndërtese shkolle të mesme në Pisa.

“Ne kemi qenë dëshmitarë të skenave të dhunës tronditëse me policinë që as nuk negocion me nxënësit apo tenton të bisedojë me ta”, shkruan mësuesit në një letër të hapur të postuar në rrjetet sociale.

Mësuesit pohuan gjithashtu se studentët në Pisa u akuzuan nga policia teksa qëndronin para tyre me krahët ngritur.

"Edhe njëherë njerëzit që protestonin kundër masakrës së vazhdueshme në Gaza u goditën nga policia", tha në rrjetet sociale Giuseppe Conte, lideri i partisë opozitare Lëvizja Pesë Yjet, duke postuar pamjet e përleshjeve në Piza.

“Këto janë imazhe shqetësuese, jo të denja për vendin tonë. Kjo nuk mund të jetë përgjigja e shtetit tonë ndaj mospajtimit”, shtoi ai.