Në Jammu dhe Kashmir vriten 5 kryengritës në përleshjet me forcat e sigurisë

Njoftohet se pesë kryengritës u vranë në përleshjet midis forcave të sigurisë dhe kryengritësve në rajonin Jammu dhe Kashmir të kontrolluar nga India, transmeton Anadolu Agency (AA).

Pas sulmit në të cilin u vranë pesë ushtarë indianë dje, shpërthyen përplasje në dy pika midis kryengritësve dhe forcave të sigurisë, të cilët kryen një operacion këtë mëngjes në rajonin Jammu dhe Kashmir.

Sipas policisë, përplasja e parë me armë filloi pasi kryengritësit, të cilët ishin të rrethuar në rrethin Shopian, "refuzuan thirrjen e tyre për t'u dorëzuar".

Njoftohet se tre kryengritës u vranë në përleshje.

Sipas banorëve vendas, forcat indiane të sigurisë shpërthyen një shtëpi me eksploziv gjatë operacionit.

Gjithashtu deklarohet se dy kryengritës u vranë në përleshjen që shpërtheu në operacionin tjetër të kryer në fshatin Feeripora në rajonin Shopian.

- Çështja e Kashmirit

Pasi Britania u tërhoq nga India, të cilën e sundoi si koloni, në vitin 1947, Kashmiri, i cili ishte një principatë në atë kohë, u përball me zgjedhjen e bashkimit me Indinë ose Pakistanin e sapopavarësuar.

Edhe pse njerëzit e Kashmirit, popullsia e të cilëve është 90 për qind myslimanë, morën një qëndrim në favor të bashkimit me Pakistanin në vitin 1947, princi i kohës vendosi të bashkohej me Indinë.

Vendimi u kundërshtua nga populli musliman i Kashmirit. Palët luftuan për herë të parë në vitin 1947, kur Pakistani dhe India dërguan trupa në rajon. Për të njëjtën arsye, lufta shpërtheu midis dy vendeve në vitet 1965 dhe 1999.

Si rezultat i armëpushimit të përkohshëm pas luftërave, 45 për qind e Jammu dhe Kashmirit mbetën nën kontrollin indian dhe 35 për qind në Pakistan. Një pjesë prej 20 për qind në pjesën lindore të rajonit iu dha Kinës fqinje.

Këshilli i Sigurimit i Kombeve të Bashkuara parashikon demilitarizimin e Kashmirit me rezolutat e tij të marra që nga viti 1948 dhe që e ardhmja e tij të përcaktohet me votën e popullit.

Teksa administrata indiane miraton një qëndrim kundër votimit, Pakistani dëshiron që të zbatohen rezolutat e Këshillit të Sigurimit.