Një tërmet i fuqishëm godet Indonezinë

XHAKARTË (AA) - Një tërmet prej 5.9 ballësh sipas Rihterit, ka goditur të mërkurën Indonezinë, raporton Anadolu Agency (AA).

Agjencia indoneziane për Meteorologji, Klimë dhe Gjeofizikë (BMKG) bëri të ditur se tërmeti është regjistruar në rajonin e ishullit Maluku, më saktësisht 130 kilometra nga Ternate.

Tërmeti ka pasur epiqendrën në një thellësi prej 30 kilometrash, dhe akoma nuk ka detaje për viktima eventuale.

Indonezia bën pjesë në të ashtuquajturën "Unaza e Zjarrtë e Paqësorit", ku tërmetet dhe shpërthimet vullkanike janë të shpeshta.