Një predhë godet një cisternë pranë Fujairah në Emiratet e Bashkuara Arabe

Një predhë goditi një cisternë të ankoruar 23 milje detare në lindje të Fujairah në Emiratet e Bashkuara Arabe, njoftoi Autoriteti Britanik i Operacioneve Tregtare Detare (UKMTO), transmeton Anadolu.

Nuk u raportuan të lënduar në incident, i cili shkaktoi dëme të vogla strukturore, thuhet më tej.

Sipas UKMTO-së, zyrtari i sigurisë i kompanisë së anijes tha se hetimet tregojnë se dëmi ka të ngjarë të jetë shkaktuar nga mbetje që kanë rënë pas ndërhyrjeve në zonë.

Përshkallëzimi rajonal vazhdon, ndërsa Izraeli dhe SHBA-ja kanë vijuar një ofensivë të përbashkët ndaj Iranit që nga 28 shkurti, duke shkaktuar deri më tani rreth 1.300 viktima, përfshirë edhe ish-udhëheqësin suprem, Ali Khamenei.

Irani është kundërpërgjigjur me sulme me dronë dhe raketa që synojnë Izraelin, Jordaninë, Irakun dhe vendet e Gjirit që strehojnë kapacitete ushtarake amerikane, duke shkaktuar viktima dhe dëme në infrastrukturë, si dhe duke ndërprerë tregjet globale dhe aviacionin.