Migrimi në Britani shënon rekord të ri në vitin 2022

Të dhënat zyrtare të publikuara nga Zyra për Statistikat Kombëtare (ONS) treguan se migrimi neto në Britaninë e Madhe është rritur në 606 mijë në vitin 2022, duke tejkaluar rekordin e mëparshëm prej 504 mijë në qershorin e vitit të kaluar, raporton Anadolu.

Migrimi neto përfaqëson numrin vjetor të individëve që hyjnë në Britani të Madhe, duke llogaritur si për migracionin ashtu edhe për emigracionin.

"Migrimi i përgjithshëm afatgjatë u vlerësua në rreth 1,2 milion në 2022, kurse emigracioni ishte 557 mijë, që do të thotë se migrimi vazhdon t'i shtohet popullsisë me migrim neto në 606 mijë. Shumica e njerëzve që mbërritën në Britani në 2022 nuk ishin shtetas të BE-së (925 mijë), e ndjekur nga vendet e BE-së (151 mijë)”, sipas ONS.

Ndryshe nga pritshmëritë, shifra aktuale neto e migracionit bie ndjeshëm.

Përderisa vlerësimet parashikonin shifra deri në 700 mijë apo edhe afër 1 milion, numri i regjistruar mbetet afërsisht tre herë më e madhe nga ajo që Partia Konservatore kishte premtuar në vitin 2019, që emigrimi do të binte nën 250 mijë.