Merkel dhe May do të diskutojnë në Berlin krizën e Brexit-it
Me kërkesë të palës britanike, Merkel do të presë në një takim homologen e saj britanike May", deklaroi zëdhënësi i qeverisë gjermane Steffen Seibert
Berlin
BERLIN (AA) – Kancelarja gjermane Angela Merkel, do të presë në një takim sot kryeministren britanike Theresa May, ku temë kryesore do të kenë situatën aktuale me të cilën po përballet procesi i largimit të Britanisë së Madhe nga Bashkimi Evropian (BE) që njihet si Brexit, raporton Anadolu Agency (AA).
"Me kërkesës të palës britanike, Merkel do të presë në një takim homologen e saj britanike May", deklaroi zëdhënësi i qeverisë gjermane Steffen Seibert.
May mbërrin në Berlin pasi mbrëmë ka shtyrë votimin e planifikuar në Parlamentin britanik mbi marrëveshjen e arritur mes qeverisë së saj dhe liderëve të BE-së për Brexitin.
Zyrtarët e BE-së kanë thënë se nuk kanë ndërmend që sërish të negociojnë mbi marrëveshjen në fjalë, sepse tashmë janë duke shqyrtuar mundësitë për largimin e Britanisë pa marrëveshjen e arritur.
Liderët e BE-së pritet të takohen në Bruksel në fund të javës, ku mes tjerash do të diskutojnë edhe për Brexit-in.