Meksikë, karteli i drogës bllokon hyrjet dhe daljet e qytetit Apatzingan

Në Michoacan, një nga shtetet me aktet më të dhunshme në Meksikë, karteli i drogës bllokoi me automjete hyrjen dhe daljen e qytetit Apatzingan, raporton Anadolu.

Anëtarët e kartelit të drogës parkuan autobusë dhe kamionë në mes të rrugës dhe bllokuan hyrjet dhe daljet në qytet.

Një shofer kamioni, i cili nuk dëshironte të identifikohej, u tha gazetarëve se anëtarët e kartelit i kërkuan të parkonte makinën e tij përgjatë rrugës dhe e kërcënuan se do ta djegin nëse do të lëvizte.

Nga ana tjetër, anëtarë të armatosur të kartelit sekuestruan me forcë makinën e një familjeje dhe vranë një person.

Sipas dëshmitarëve, vrasja është kryer nga anëtarë të kartelit të drogës, Jalisco.

Apatzingan, i quajtur "Zona e Nxehtë", njihet si qendra ku strehohen bandat kriminale dhe bëhet prodhimi dhe transportimi i drogës në Meksikë.

Në Apatzingan ka kohë që vepron edhe karteli i drogës Viagras.