Mali, 50 të vdekur nga shpërthimi i bombës

GAO (AA) - Numri i të vdekurve në sulmin e sotëm, i cili ndodhi në një kamp ushtarak në Mali është rritur në 50, ndërsa më shumë se 100 janë plagosur, transmeton Anadolu Agency (AA).

Policia lokale ka konfirmuar se sulmin e ka kryer një sulmues vetëvrasës i cili aktivizoi eksplozivin në makinë në kampin në Gao, ku janë vendosur ushtarët e Malit, dhe qindra ish-luftëtarë të cilët kanë nënshkruar marrëveshje paqeje me qeverinë. Në kamp kishte edhe paqeruajtës të OKB-së.

Mediat kanë raportuar se edhe dy orë pas shpërthimit, në vendin e ngjarjes ka ambulanca dhe trupa të copëtuara të shtrira në tokë. Të plagosurit në gjendje kritike janë transportuar në spitalet e afërta.