Shkencëtarët kanë përcaktuar se kometa "3I/Atlas", e cila vjen nga jashtë Sistemit Diellor, po përshpejtohet jashtë ndikimit të gravitetit, transmeton Anadolu.

Sipas NBC News, Administrata Kombëtare e Aeronautikës dhe Hapësirës e SHBA-së (NASA) vërejti se kometa e quajtur "3I/Atlas" po fitonte përshpejtim jashtë ndikimit të gravitetit.

Astrofizikani i Universitetit të Harvardit, Avi Loeb, i cili shqyrtoi të dhënat e NASA-s, deklaroi se ky përshpejtim i pazakontë mund të shkaktohet nga gazi që del nga trupi qiellor.

Loeb tha se të dhënat nga Observatori ALMA treguan se kometa kishte devijuar nga trajektorja e saj e llogaritur më parë dhe se sipas llogaritjeve të tij, rreth një e gjashta e masës së kometës mund të jetë avulluar dhe kjo mund të ketë siguruar forcë shtytëse.

Ai theksoi se kometa do të mbetet pas Diellit brenda një ose dy javësh ndërsa një re gjigante gazi dhe një bisht komete "jashtëzakonisht i ndritshëm" do të jenë të dukshme në imazhet.

I zbuluar në korrik, "3I/Atlas" thuhet se nuk përbën kërcënim për Tokën apo planetët fqinj. Vlerësohet se do t'i afrohet më shumë Tokës në dhjetor, duke kaluar në një distancë prej 269 milionë kilometrash.