Kolumbi, 6 të vdekur nga shembja e minierës

BOGOTA (AA) – Së paku gjashtë persona kanë humbur jetën si pasojë e shembjes së minierës në Kolumbinë perëndimore, transmeton Anadolu Agency (AA).

Mediat lokale lajmërojnë se pas reshjeve të mëdha të shiut, që përfshinë rajonin Choco, ndodhi shembja e minierës së argjendit, që gjendet jo shumë larg lumit Mungarra.

Zyrtarët konfirmuan se pas shembjes në minierë janë gjetur kufomat e katër grave dhe dy burrave.

Bëhet fjalë për minierë e cila nuk ka pasur lejen e domosdoshme, si dhe nuk dihet se sa minatorë ka pasur në të.