Kili goditet nga një tërmet 6.2 ballësh

Një tërmet me magnitudë 6.2 ballë goditi pjesën veriore të Kilit, transmeton Anadolu.

Sipas Shërbimit Gjeologjik të SHBA-së, tërmeti ndodhi mbrëmë në orën 20:48 sipas kohës lokale, ndërsa në një thellësi prej 41 kilometrash.

Sipas shërbimeve të urgjencës të Kilit, autoritetet fillimisht lëshuan një urdhër evakuimi paralajmërues, por më pas e tërhoqën atë paralajmërim dhe nuk janë raportuar viktima apo dëmtime strukturore.

Kili ka pësuar tërmete shkatërruese në të kaluarën. Në vitin 2010, një tërmet me magnitudë 8.8 ballë dhe cunami i mëvonshëm shkaktoi më shumë se 500 viktima.