Katari njofton fillimin e negociatave SHBA–Iran në Zvicër

Katari njoftoi fillimin e bisedimeve SHBA-Iran në Zvicër, me pjesëmarrjen e ndërmjetësve nga Katari dhe Pakistani për të diskutuar zbatimin e kushteve të një marrëveshjeje të përkohshme midis dy palëve, transmeton Anadolu.

“Janë krijuar grupe pune teknike dhe ekspertësh të specializuar për të negociuar dispozitat e marrëveshjes përfundimtare që mbulon të gjitha aspektet e Memorandumit të Mirëkuptimit midis SHBA-së dhe Iranit", tha zëdhënësi i Ministrisë së Jashtme, Majed al-Ansari.

Ai shtoi se janë formuar edhe grupe përcjellëse për të mbikëqyrur zbatimin e memorandumit dhe për të monitoruar progresin drejt arritjes së një marrëveshjeje përfundimtare.

Al-Ansari tha se Katari, si një nga vendet ndërmjetësuese, do të vazhdojë të punojë me Pakistanin dhe të gjitha palët e përfshira për "të krijuar një mjedis pozitiv që mundëson që negociatat të arrijnë objektivat e tyre".