Në bregdetin verior të Kolumbisë shtrihet "Cartagena de Indias" (Kartagjena e Indive), një qytet ku trashëgimia e së kaluarës së saj koloniale takohet me bukuritë tropikale të Karaibeve, raporton Anadolu.

E themeluar më 1 qershor 1533, nga eksploruesi spanjoll, Pedro de Heredia, Kartagjena është në një nga destinacionet turistike më ikonike të Amerikës Latine.

Muret madhështore të qytetit, të ndërtuara midis shekujve 16-të dhe 18-të për të mbrojtur sulmet nga piratët anglezë, francezë dhe holandezë, qëndrojnë edhe sot.

Të shpallura Vend i Trashëgimisë Botërore të UNESCO-s në vitin 1984, fortifikimet rrethojnë një koleksion mahnitës të arkitekturës koloniale që duket se i dërgon vizitorët pas në kohë.

Duke bredhur nëpër rrugët me kalldrëm të qendrës historike, udhëtarët hasin sheshe të gjalla, kisha shumëngjyrëshe dhe pallate elegante me ballkone të mbuluara me lule ku përjetohet një shfaqje e gjallë e sharmit të qëndrueshëm të Kartagjenës.

Me vendndodhjen e tij të shkëlqyer në Detin e Karaibeve, qyteti ofron një përzierje të përsosur të historisë, kulturës dhe kohës së lirë në bregdet, duke e bërë atë një nga destinacionet më magjepsëse në rajon.