Japonia vendos të shtyjë borxhin e Ukrainës

Japonia ka vendosur të shtyjë borxhin prej 7.8 miliardë jenësh (60 milionë dollarë) të Ukrainës, e cila po përjeton probleme ekonomike pas sulmeve të Rusisë, transmeton Anadolu Agency (AA).

Në deklaratën e Ministrisë së Jashtme të Japonisë thuhet se ministri i Financave i Ukrainës, Sergii Marchenko dhe ambasadori i Japonisë në Kiev, Kuninori Matsuda shkëmbyen mendime mbi lehtësimin e borxhit.

Qeveria e Japonisë ka vendosur të shtyjë borxhin e Ukrainës prej 7.8 miliardë jen (60 milionë dollarë) për të lehtësuar barrën e saj ekonomike.

Në përputhje me vendimin, borxhi do të shlyhet me 10 këste që nga qershori i vitit 2027.

Japonia do të vazhdojë të bashkëpunojë me vendet e G7 dhe komunitetin ndërkombëtar për të vazhduar mbështetjen ndaj Ukrainës.