Izraeli vendos kamera sigurie në xhaminë Al-Aksa

JERUSALEM (AA) - Izraeli është duke vendosur kamera sigurie përballë Portës së Luanit (El-Esbat) në xhaminë Al-Aksa, raporton Anadolu Agency (AA).

Sipas informacioneve të marra nga dëshmitarët mësohet se Izraeli sot në mëngjes ka nisur me vendosjen e kamerave të sigurisë nëpër vende të larta përballë Portës së Luanit (El-Esbat) të Al-Aksës.

Policia izraelite ndërhyn në xhematin në rrugët e Jerusalemit

Sulmet izraelite në xhaminë Al Aksa që nga viti 1967

Ndër të tjera bëhet e ditur se pas përleshjeve të mbrëmshme palestinezët kanë falur namazin e sabahut në afërsi të El-Esbat ndërsa është vërejtur se policia izraelite ka marrë masa përreth personave që kanë falur namazin.

Sipas lajmit në televizionin izraelit Kanal 2 policia izraelite pas tensioneve të larta si pasojë e vendosjes së detektorëve nga Izraeli në hyrjet e Al-Aksës, ka marrë vendimin për heqjen e detektorëve duke nisur nga mesnata e sotme.

Po ashtu bëhet e ditur se Izraeli në vend të detektorëve në dyert e Al-Aksës do të vendos policë që do të kryejnë kontrolle me detektorë dore, hap ky i cili njoftohet se është mbështetur edhe nga drejtori i policisë së Jerusalemit Yoram Ha-Levy dhe kryetari i Bashkisë Nir Berekat.