Mustafa Deveci
21 Korrik 2018•Përditësim: 22 Korrik 2018
KUDS (AA) – Përkundër armëpushimit, Izraeli ka sulmuar me tanke një pikë vëzhgimi që ndodhet në kufirin e Rripit të Gazës nën rrethim, transmeton Anadolu Agency (AA).
Në një deklaratë nga ushtria izraelite thuhet se disa palestinezë mëngjesin e sotëm kaluan gardhin me tela dhe dolën në anën e Izraelit.
Më tej thuhet se palestinezët të cilët kanë kaluar në anën e Izraelit përsëri janë kthyer në Gaza ndërsa pas këtij rasti një pikë vëzhgimi që i përket Brigadave İzzeddin el-Kassam, krahu i armatosur i Hamasit është goditur nga tanket izraelite.
Ende nuk ka ndonjë deklaratë nga pala palestineze në lidhje me rastin.
Në sulmet e djeshme të ushtrisë izraelite në Gaza, 4 palestinezë ranë dëshmorë ndërsa një ushtar izraelit humbi jetën si pasojë e një gjuajtjeje që pretendohet se kishte ardhur nga Gaza.
Ushtria izraelite tha se në sulmet ajrore të nisura gjatë pasdites së djeshme janë goditur 60 objektiva të cilat pretendohet se i përkasin Brigadave İzzeddin el-Kassam.
Pas rritjes së tensioneve mbrëmë me ndërmjetësim të Egjiptit dhe palës ndërkombëtare u arrit armëpushim mes Izraelit dhe lëvizjeve të rezistencës palestineze.
