Izraeli arreston deputetin palestinez

RAMALLAH (AA) - Ushtarët izraelitë kanë arrestuar deputetin e Këshillit Legjislativ Palestinez, Naser Abdulxhevad, transmeton Anadolu Agency (AA).

Sipas të dhënave të siguruara nga dëshmitarët okularë, Abdulexhevad është arrestuar gjatë një bastisjeje në shtëpinë e tij në Ramallah nga ana e ushtarëve izraelitë.

Abdulxhevad është deputet i Bllokut për Ndryshime dhe Reforma, që është i lidhur me Hamasin.

Autoritetet izraelite nuk kanë dalë me ndonjë deklaratë në lidhje me arrestimin.

Forcat izraelite shpesh herë organizojnë bastisje nëpër shtëpi në Bregun Perëndimor dhe Kudsin e okupuar Lindor, duke arrestuar palestinezë me pretendime të ndryshme.