Izrael, zjarr në një rafineri nafte

JERUSALEM (AA) – Në një rafineri nafte në qytetin Haifa, në Izrael, ka shpërthyer zjarr, transmeton Anadolu Agency (AA).

Gazeta izraelite "Haaretz" deklaroi se zjarri në këtë rafineri ka rënë në orët e para të së dielës.

Shumë ekipe zjarrfikëse dhe të shpëtimit kanë arritur në vendin e ngjarjes për të marrë pjesë në operacionin e shuarjes së zjarrit.

Zjarrfikësit tentojnë të parandalojnë përhapjen e zjarrit në depot e naftës. Zëdhënësja e policisë izraelite Luba Samri njoftoi se janë mbyllur shumica e rrugëve që dërgojnë drejt rafinerisë së naftës. Samri shtoi se nuk ka të lënduar. Zyrtarët izraelitë ende nuk kanë dhënë informacione mbi shkaqet e zjarrit.