Itali, pesë punëtorë të vdekur në një aksident hekurudhor

Në një aksident hekurudhor në Itali humbën jetën pesë punëtorë, raporton Anadolu.

Mediat lokale raportuan se gjatë natës, një tren goditi punëtorët që po punonin për mirëmbajtjen e binarëve pranë stacionit Brandizzo në hekurudhën Torino-Milano.

Më vonë u konfirmua vdekja e pesë personave.

Sipas raportimeve, treni në momentin e aksidentit lëvizte me shpejtësi 160 kilometra në orë.

Prokuroria e Ivreas ka nisur hetimet për aksidentin, ndërkohë do të merret në pyetje edhe drejtuesi i trenit që goditi punëtorët.

Zëvendëskryeministri dhe ministri i Transportit dhe Infrastrukturës, Matteo Salvini, e cilësoi aksidentin si një tragjedi të tmerrshme dhe shprehu ngushëllimet e tij për familjet e punëtorëve të vdekur.