Irani raporton shpërthime të reja në ishujt Qeshm dhe Kish

Mediat iraniane kanw raportuar disa shpërthimenë ishullin Qeshm, në jug të Iranit, ndërsa përshkallëzimi ushtarak me SHBA-në vazhdon, transmeton Anadolu.

Agjencia gjysmëzyrtare e lajmeve Fars raportoi për shpërthimet, pa dhënë detaje mbi shkakun e tyre.

Agjencia e lajmeve Tasnim gjithashtu tha se një predhë amerikane shpërtheu pranë një impianti të ujit dhe energjisë në ishullin Kish.

Tensionet mes SHBA-së dhe Iranit për Ngushticën e Hormuzit janë përshkallëzuar ditët e fundit, me të dyja palët që kanë shkëmbyer sulme, pavarësisht një memorandumi mirëkuptimi të ndërmjetësuar nga Pakistani, i cili synonte t’i jepte fund konfliktit të tyre dhe të arrinte një marrëveshje të qëndrueshme paqeje.