Irani dhe SHBA-ja përfundojnë raundin e fundit të bisedimeve në Oman

Mediat shtetërore iraniane kanë raportuar përfundimin e raundit e fundit të negociatave mbi programin bërthamor me SHBA-në në Oman, ndërsa të dy delegacionet pritet të kthehen në kryeqytetet e tyre përkatëse, transmeteon Anadolu.

Një gazetar i transmetuesit shtetëror iranian, që shoqëronte delegacionin iranian, tha se bisedimet me SHBA-në kanë përfunduar “për momentin”, pas disa orësh negociatash indirekte.

Agjencia shtetërore e lajmeve IRNA gjithashtu konfirmoi përfundimin e këtij raundi të fundit, duke theksuar se vlerësimet tregojnë një “mirëkuptim për vazhdimin e negociatave”.

Sipas raportit, gjatë seancës që nisi sot herët, delegacionet negociuese të Iranit dhe SHBA-së përcollën pikëpamjet, vlerësimet dhe qasjet e tyre përkatëse tek njëra-tjetra përmes ministrit të Punëve të Jashtme të Omanit, Badr Albusaidi.

Ky raund përfundoi, thuhet në raport, ndërsa një tjetër pritet të zhvillohet në ditët në vijim.

Sot, Irani dhe SHBA-ja rifilluan diplomacinë e tyre indirekte mbi programin bërthamor, pas javësh tensione të shtuara, të nxitura nga kërcënimi i presidentit amerikan, Donald Trump, për ndërmarrje veprimesh ushtarake kundër Teheranit.