Iran, në protestat antiqeveritare vriten dy studentë

STAMBOLL (AA) - Gjatë protestave antiqeveritare në Iran kanë humbur jetën dy studentë, transmeton Anadolu Agency (AA).

Seyyid Muhammed Bethai, ministri i Arsimit të Iranit, përmes Twitterit ka shkruar se njerëz të pafajshëm janë viktima të dhunës në vendin e tij.

"Kaosi dhe dhuna marrin jetët e njerëzve të pafajshëm. Ndjejë dhimbje të madhe për shkak të humbjes së dy studentëve tanë, Arminës dhe Sayan", shkroi Bethai.

Të pakënaqur me situatën ekonomike në Iran, të enjten shpërthyen protestat në Mashhad, kurse protestat me shpejtësi morën karakter antiqeveritar dhe u përhapën edhe në qytete të tjera.