Satuk Buğra Kutlugün
14 Janar 2019•Përditësim: 15 Janar 2019
TEHERAN (AA) - Të paktën 16 persona kanë humbur jetën pasi avioni i mallrave i Kirgistanit është rrëzuar gjatë uljes në aeroport në qytetin Karaj në veriperëndim të kryeqytetit Teheran në Iran, njoftoi media shtetërore e vendit, transmeton Anadolu Agency (AA).
Sipas televizionit shtetëror të Iranit, avioni i tipit Boing 707 i nisur nga kryeqyteti i Kirgistanit Bishkek drejt aeroportit Payam në Karaj u rrëzua gjatë përpjekjes për ulje të detyruar në aeroportin Fath. Siç njoftohet, si pasojë e aksidentit flaka ka përfshirë shtëpitë përreth aeroportit.
Gjithashtu, raportohet se si pasojë e rrëzimit të avionit jetën e kanë humbur 16 persona, ndërsa një tjetër ka shpëtuar gjallë.
