Indi, 24 të vdekur nga fundosja e anijes

NEW DELHI (AA) - Numri i të vdekurve në fundosjen e djeshme të anijes në Indinë lindore ka arritur në 24, ndërsa operacioni i shpëtim për të mbijetuarit është në vazhdim, njofton policia, raporton Anadolu Agency (AA).

Autoritetet lokale, të shtunën në mbrëmje kanë nisur operacionin e shpëtimit për të mbijetuarit nga fundosja e anijes me 40 pasagjerë në lumin Gang pranë Patna, kryeqyteti i shtetit Bihar.

Zyrtarët lokalë thonë se me anijen po udhëtonin persona që ishin duke u kthyer nga një festë fetare dhe se në të ndodheshin shumë më tepër se nga numri i lejuar i udhëtarëve.