02 Qershor 2017•Përditësim: 03 Qershor 2017
DETROIT (AA) – Harley Davidson bëri të ditur se do të tërheq 46.000 motoçikleta në Shtetet e Bashkuara të Amerikës (SHBA), meqë gypi i vajit mund të ndahet, duke derdhur vajin në gomën e prapme gjatë udhëtimit, raporton Anadolu Agency (AA).
Të planifikuara për tërheqjen janë modelet Electra Glide, Road King, Street Glide dhe Road Glide të prodhuara në periudhën prej 2 korrikut deri më 9 maj të vitit 2017.
Nga Harley theksojnë se ekziston mundësia që gypi i ftohjes së motorit nuk është vendosur si duhet.
Gjithashtu shtohet se deri tani kanë marrë nëntë raporte në të cilat theksohet se ka ndodhur ndarja e gypit të vajit, për shkak të cilit kanë ndodhur dy përplasje, por pa pasoja të mëdha.
