BERLIN (AA) – Gjermania bëri thirrje për përmbajtje maksimale në Gaza, por nuk dënoi sulmet e mbrëmshme ajrore izraelite në enklavën e bllokuar palestineze, transmeton Anadolu Agency (AA).

“Nevojitet që të evitohen çfarëdo eskalime tjera. Bëjmë thirrje për përmbajtje maksimale dhe dhënien fund të dhunës”, thuhet në njoftimin e Ministrisë gjermane të Punëve të Jashtme.

Në njoftim bëhet thirrje për dhënien fund të sulmeve raketore nga Gaza në Izrael ndërsa theksohet se Izraeli ka të drejtë të mbrojë sigurinë e tij.

Gjatë sulmeve të mbrëmshme ajrore izraelite në Gaza janë vrarë të paktën 6 palestinezë. Ushtria izraelite pohon se sulmet janë kryer si kundërpërgjigje e sulmeve të mëparshme raketore në Izrael.

Gjermania sot mbështeti Kombet e Bashkuara, Egjiptin dhe aktorët tjerë që punojnë në qetësimin e tensioneve në Lindjen e Afërt.