Francë, përfundon evakuimi i kampit të refugjatëve "Xhungël"

CALAIS (AA) - Ka përfunduar evakuimi në kampin e refugjatëve "Xhungël" në Francë, raporton Anadolu Agency (AA).

Prefektja e qytetit Calais, Fabienne Buccio, në një deklaratë njoftoi përfundimin e evakuimit i cili nisi ditën e hënë.

Duke vënë në dukje se procesi i evakuimit ka zgjatur më pak nga se parashikohej Buccio u shpreh se "Xhungla tashmë mbaroi. Detyra jonë këtu përfundoi. Tashmë nuk ka më refugjatë".

Në ditën e tretë të evakuimit të "Xhunglës" një grup refugjatësh patën shkaktuar zjarr, i cili u shua si rezultat i përpjekjeve të kryera deri në orët e para të mëngjesit nga ekipet e zjarrfikëseve. Sipas të dhënave zyrtare të publikuara ditën e djeshme, theksohet se që nga fillimi i javës nga kampi janë larguar 4.014 refugjatë.

Refugjatët e larguar nga kampi pas regjistrimit në qendrat e përkohshme të ngritura në afërsi të kampit dërgohen me autobusë në qendrat e tjera të refugjatëve në rajone të ndryshme të vendit.