Fisi Masai, luftëtarët e njohur të Afrikës

Një nga komunitetet më të njohura në Afrikën Lindore, fisi Masai tërheq vëmendjen me stilin e tyre të jetesës tradicionale, veshjet shumëngjyrëshe dhe ritualet unike kulturore, raporton Anadolu.

Fisi Masai janë një grup etnik që banon në Kenian veriore, qendrore dhe jugore dhe në Tanzaninë veriore. Ata janë ndër vendasit më të famshëm në botë për shkak të vendbanimit të tyre pranë liqeneve të mëdha afrikane dhe për shkak të zakoneve dhe veshjeve të tyre të veçanta.

Masai është veçanërisht i njohur për vallet e tyre tradicionale dhe identitetin e tyre luftarak.

Qëndrimi i tyre i fortë në ruajtjen e kulturës dhe tokës së tyre i bën ata një nga komunitetet më frymëzuese në Afrikë.

Në regjistrimin e vitit 2019, në Kenia ishin 1.189.522 anëtarë të komunitetit Masai.

Fisi Masai flet gjuhën "maa" nga familja e gjuhëve nilotike, e cila është e lidhur me gjuhët dinka, kalenjin dhe nuer.

Përveç disa pleqve që jetojnë në zonat rurale, pjesa më e madhe e komunitetit Masai flet gjuhët zyrtare të Kenias dhe Tanzanisë, suahili dhe anglisht.