Erdoğan: Turqia mbështet sovranitetin dhe integritetin territorial të Gjeorgjisë

Presidenti turk, Recep Tayyip Erdoğan, pas takimi me kryeministrin gjeorgjian, Irakli Garibashvili, ka deklaruar se vendi i tij mbështet sovranitetin dhe integritetin territorial të Gjeorgjisë, raporton Anadolu Agency (AA).

Gjatë konferencës së përbashkët për media me kryeministrin Garibashvili, presidenti Erdoğan theksoi se "Turqia e sheh Gjeorgjinë si çelësin e bashkëpunimit rajonal".

"Do të doja të përfitoja nga ky rast për të përsëritur dëshirën tonë për të zgjidhur konfliktet në Abkhazi dhe Osetinë e Jugut me mjete paqësore dhe në përputhje me integritetin territorial të Gjeorgjisë", tha presidenti Erdoğan.

Ai shtoi se Ankaraja mbështet bashkëpunimin rajonal midis Turqisë, Azerbajxhanit, Gjeorgjisë dhe Armenisë.