Elefanti shtyp një gjuetar të paligjshëm në Afrikën e Jugut

Gjuetari i paligjshëm i rinoçerontëve në Republikën e Afrikës së Jugut (RAJ), fillimish u shtyp nga një elefant dhe më pas e shqyen luanët, transmeton Anadolu Agency (AA).

BBC raporton se rasti ka ndodhur në Parkun Kombëtar Kruger.

Pjesëtarët tjerë të grupit të martën njoftuan familjen e viktimës se ishte shtypur nga elefanti. U njoftuan organet kompetente pas së cilës filluan kërkimet për trupin.

Punonjësit e Parkut Kombëtar Kruger pas dy ditë kërkimesh gjetën rrobat dhe kafkën e gjuetarit të paligjshëm. Më vonë u konstatua se atë e kishin shqyer luanët.

Drejtoria e Parkut Kombëtar Kruger i shprehu ngushëllime familjes, duke i dhuruar një doracak ku shkruhet se "hyrja në park paraqet një rrezik shumë të madh".