Hassan Isilow
03 Janar 2022•Përditësim: 03 Janar 2022
Zjarri i dytë brenda dy ditëve ka shpërthyer në ndërtesën e Asamblesë Kombëtare të Afrikës së Jugut në kryeqytetin Cape Town, transmeton Anadolu Agency (AA).
“Shkatërruese. Shqetësuese. E pashpjegueshme. Një zjarr i ri sapo shpërtheu në çatinë e ndërtesës së Asamblesë Kombëtare. Përforcimet janë rrugës për tek zjarrfikësit. Beteja do të fitohet”, tha Moloto Mothapo, zëdhënësi i parlamentit, në një video të publikuar në rrjetet sociale që tregon çatinë e ndërtesës në flakë.
Mothapo theksoi se zjarrfikësit kishin luftuar për gati dy ditë me një zjarr fillestar që shpërtheu ditën e djeshme.
Flakët u panë dje brenda ndërtesës së Asamblesë Kombëtare, me një tym të errët që dukej në pamjet e transmetuara në mediat lokale.
Zjarri shkatërroi katin e tretë të ndërtesës së vjetër, që përfshinte hapësira për zyra dhe një palestër.
Pamjet e sotme të drejtpërdrejta të transmetuar në televizionin lokal treguan zjarrfikës duke u përpjekur të shuajnë flakët në çati.
Policia dje tha se ka arrestuar një të dyshuar 49-vjeçar në lidhje me zjarrin dhe se i dyshuari pritet të dalë në gjykatë gjatë ditës së nesërme. Ai përballet për thyerje të shtëpive dhe vjedhje, si dhe për zjarrvënie.
