11 gusht 2022•Përditësim: 12 gusht 2022
Presidenti serb Aleksandar Vuçiq tha se Prishtina zyrtare dëshiron të sulmojë veriun e Kosovës, ku jetojnë serbët, raporton Anadolu Agency (AA).
Duke iu përgjigjur pyetjeve të gazetarëve në Beograd, Vuçiq tha: “Është gënjeshtër që Beogradi dëshiron të sulmojë Kosovën. Në të vërtetë, Prishtina është ajo që dëshiron të sulmojë veriun e Kosovës”.
Duke pretenduar se Prishtina po përdor situatën në Ukrainë kundër Serbisë, Vuçiq tha se qeveria e Prishtinës po planifikon të sulmojë rajonet e banuara nga serbët në veri të vendit.
Duke komentuar deklaratën e kryeministrit të Kosovës Albin Kurti se Beogradi po ndjek politikë agresive nga e cila mund të lindë konflikt, Vuçiq tha se “Gënjeshtra të ngjashme po përhapen prej ditësh në mediat botërore”.
Vuçiq tha se mendon se nuk do të jetë i suksesshëm as takimi me delegacionin e Kosovës në Bruksel më 18 gusht.
