Shqipëria shënon Ditën e Çlirimit

Shqipëria shënon sot 81-vjetorin e çlirimit nga pushtuesit nazifashistë, ndërkohë në vend janë organizuar disa ceremoni dhe aktivitete, raporton Anadolu.

Ceremonia qendrore për Ditën e Çlirimit të Shqipërisë është organizuar në Kompleksin e Varrezave të Dëshmorëve në Tiranë, me pjesëmarrjen e zyrtarëve të lartë, përfaqësuesve të organizatave të veteranëve dhe qytetarëve.

Presidentit i Shqipërisë, Bajram Begaj, kryeparlamentari Niko Peleshi, kryeministri Edi Rama, ministra, përfaqësues të Forcave të Armatosura të Shqipërisë dhe zyrtarë të tjerë bënë homazhe dhe vendosën kurora me lule pranë Monumentit "Nëna Shqipëri".

Me rastin e Ditës së Çlirimit të Shqipërisë, zyrtarët e lartë dhe politikanë kanë përcjellë mesazhet e tyre.

Në Shqipëri 29 Nëntori shënohet si festë zyrtare dhe me rastin e përvjetorit të çlirimit të vendit, aktivitetet përkujtimore në nderim të dëshmorëve janë organizuar edhe në qytete të tjera të vendit.

Kujtojmë se 81 vjet më parë, Shqipëria u çlirua nga pushtuesit nazifashistë pas një lufte pesëvjeçare.