Shkup, organizohet koncert i muzikës tradicionale turke
Në koncertin e zhvilluar në Pallatin e ARM-së nga Ansambli i Muzikës Tradicionale Turke pranë Universitetit Teknik të Stambollit, qytetarët shfaqën interesim
Vedat Abdul/AA
Shkup
SHKUP (AA) - Nën organizimin e Universitetit Ndërkombëtar Ballkanik (IBU), Institutit "Yunus Emre" - Shkup dhe Odës Ekonomike Maqedoni - Turqi (MATTO), sot në Shkup u organizua koncert i "Muzikës Tradicionale Turke", raporton Anadolu Agency (AA).
Në koncertin e zhvilluar në Pallatin e ARM-së nga Ansambli i Muzikës Tradicionale Turke pranë Universitetit Teknik të Stambollit, qytetarët shfaqën interesim.
Rektori i IBU=së, Prof. Dr. İsmail Kocayusufoğlu, në deklaratën për gazetarët, duke theksuar se si universitet kanë organizuar shumë evenimente, tha se me rastin e koncertit do të kenë mundësinë që të dëgjojnë vepra të veçanta të Muzikës Popullore Turke si dhe të Muzikës Tradicionale Turke.
Ndërsa drejtori i Institutit "Yunus Emre" - Shkup, Şemsettin Şeker tha se njerëzit më parë e kanë cilësuar muzikën si "dije" dhe zëri i dyerve të parajsës.
Ai duke theksuar se Maqedonia është një vend me shumë diversitet etnik, tha se "Ka një interes të madh ndaj muzikës turke. Këtë e kemi vërejtur edhe në koncertet që i kemi organizuar më parë.
Ansambli nën drejtimin e Prof. Dr. Cihangir Terzi, mundësoi që qytetarët të kalojnë momente të këndshme duke realizuar vepra të ndryshme të muzikës tradicionale turke.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
