Чавушоглу утре во посета на Италија

АНКАРА

Турскиот министер за надворешни работи, Мевлут Чавушоглу, утре ќе ја посети Италија, соопштува Министерството за надворешни работи на Турција, јавува Агенција Анадолија (АА).

„Чавушоглу ќе ја посети Италија на покана на неговиот колега Луиџи ди Мајо“, се соопштува од турското Министерство за надворешни работи.

„Чавушоглу и Ди Мајо ќе дискутираат за подготовките на третиот меѓувладин Самит меѓу Турција и Италија, како и за билатералните односи на двете земји и процесот на Турција за пристап во ЕУ“, се вели во соопштението.

„Министрите, исто така, ќе разменат ставови во врска со моменталните регионалнни и меѓународни случувања“, се додава во соопштението.