Nazlı Yüzbaşıoğlu,Emre Karaca
20 Јануари 2022•Ажурирај: 21 Јануари 2022
АНКАРА (АА) - Министерот за надворешни работи на Република Турција, Мевлут Чавушоглу, коментирајќи ја дозволата на Грчката администрација на Јужен Кипар за отворањето на канцеларија на терористичката организација ПКК/ПЈД, изјави дека во случај на напад на Турција или Северен Кипар, ќе биде платена висока цена, и дека никој не смее да си игра со оган, јавува Агенција Анадолија (АА).
Чавушоглу говореше на прес-конференцијата во Анкара по состанокот со естонската министерка за надворешни работи, Ева Марија Лиметс.
На прашањето да ја прокоментира одлуката на Грчката администрација на Јужен Кипар да дозволи отворање канцеларија на терористичката организација ПКК/ЈПД, Чавушоглу рече дека пружањето поддршка на тероризмот е многу сериозно прашање.
„За жал, кога станува збор за тероризмот, сè почесто се среќаваме со изразот ’непријателот на мојот непријател е мој пријател‘“, рече Чавушоглу, додавајќи:
„Сведочевме дека е дадена поддршка на терористичките организации во Сирија под маската на борбата против ДЕАШ. Но ние, како Турција, покажавме солидарност во борбата против тероризмот, дури и со земјите со кои имаме најлоши односи. Не поддржувавме ниту една терористичка организација.“
Истакнувајќи дека терористичката организација ПКК, како и ДХКП/Џ, има кампови во Грција, Чавушоглу рече дека документите докажуваат дека таму биле обучувани членови на ДХКП/Џ, кои подоцна извршиле терористички напади во Турција.
„Да им се дозволи на овие терористички организации да отворат свои канцеларии, да се биде нивен домаќин, значи играње со оган. Знаеме дека страната на кипарските Грци ги поддржуваше терористичките организации и ПКК. Тоа не е тајно. Денеска им е дозволено да отвораат канцеларии, но во случај на какви било закани против Турција или Турската Република Северен Кипар, доколку дојде до напад врз нашите браќа кипарски Турци, за тоа ќе се плати висока цена. Затоа нека не си играат со оган“, рече Чавушоглу.
Чавушоглу уште еднаш ја повика грчката страна да не ги поддржува терористите, и покрај фактот дека постојат прашања околу кои се делат различни мислења.
„Тероризмот е едно сосема поразлично прашање, бидејќи тоа е директно безбедносно прашање. Кога станува збор за нападите врз нас, тоа има цена, како што правиме против присуството на тероризмот во другите соседни земји. Оваа цена ќе биде тешка. Тоа морам да го кажам многу отворено“, заклучи Чавушоглу.
